#离职 #失敗的跳槽 #提出離職
因為跳槽後實在太辛苦，上個星期日去了黃大仙廟求籤，想問問工作上的事。我問的是：「現時的工作困境能否解決？」結果求得第71簽。
解籤師傅問了我的出生年月日後，隨即問我想求什麼。我說想知道現時的工作困境能否解決，他聽完立刻說：「唔得！」還補充道：「如果經濟負擔唔係太重，不如走啦！」他解釋籤文意思係「魚冇水」，透不過氣，而且無人幫到你；除非有「黑色暴雨」，否則情況唔會有變。當下我即刻覺得好準，因為我而家的處境真係「唞唔到氣」。師傅繼續話：「個環境唔啱你，真係好難改變㗎... 黑色暴雨？邊有咁易呀？」
於是今日我搵時間同老細講咗想辭職。佢當然有話我係逃避，應該諗辦法面對... 但我自問只係個small potato，邊有咩辦法呢？點知，最估唔到嘅係，老細竟然主動提出減輕我嘅工作量！（雖然佢話其實冇畀太多工作我，所以我完全諗唔到佢會咁做。）佢仲叫我唔好太魯莽，應該盡全力再試試...
呢個回覆真係完全出乎我意料！我冇諗過佢會咁樣 offer。我接受咗，當然心入面明白，過多一排工作量好大機會又會加返... 不過，喺佢提出呢個 offer 之後，我真係好難再堅持話要走。冇辦法啦，唯有見步行步...
唔通... 呢啲就係我嘅「黑色暴雨」
